बुद्ध तिमी नफर्किनु

           
बुद्ध तिमी नफर्किनु यहाँ यस्तो बेहाल छ ॥
सराप्या छन सतीले पल्किएको काल छ ॥

जसै तिमी फर्कने छौ स्वागत गर्न तिमीलाई
 तड्पाई तड्पाई मार्ने षडयन्त्रको जाल छ ॥

उहिले जस्तो छैन ,छँदै छैन हिजोआज नेपाल
पुरानो त केभो केभो ऐले नयाँ नेपाल छ ॥

यत्रतत्र हत्या,हिँसा, आतङ्क र डर  उस्तै
 भिज्यो जमिन रगतले हेरे हुन्छ लाल छ ॥

 जतिसुकै मैँ हुँ भन टिक्न कसरी सक्लाऊ ?
कसले टेर्छ दर्शन तिम्रा हेर फालाफाल छ ॥

बिर्सिए हुन्छ तिमीले  अब यो जन्मभूमि
मान्छे छैनन् कोही यहाँ पशुहरू झै चाल छ ॥