देश दुखिरहन्छ .....

आजभोलि बिहान उठेदेखि बेलुकी नसुतीञ्जेल सम्मै देश दुखिरहन्छ 
।घरी अखबारका पानामा देश दुख्छ
 घरी टेलीभिजनमा देश दुख्छ 
।घरी बाटोमा देश दुख्छ घरी स्कुल कलेजमा देश दुख्छ ।
अनि घरी त्रिभुवन बिमानस्थलमा बिदेशिन लागेका युवाहरूको दृश्य देख्दा देश दुख्छ ।

 देश हिजो पनि दुखेकै थियो आज पनि दुखैकै छ । हिजो पंचायतको नाममा दुख्यो देश । कैले माओबादिका नाममा त कैले मधेश बिद्रोहका नाममा र आज सत्ता र पदका नाममा ,संबिधान सभाका नाममा दुखीरहेको छ । यो दुखाई तपाई हाम्रो मात्र रैछ । आम नेपालीको रैछ । तथाकथित राजनीतिक दलको , नेताको रहेनछ ।

सतिले सरापेको देश भनेर भन्छन् होला पनि आशंका गर्ने ठाउँ धेरै छ । छिमेकी राष्ट्र चिनले चन्द्रमा यान पु-यायो । भारत त्यसको पछिपछी छ । 
हाम्रो नेपाल ...........
? नेपाल हिजो पनि निर्वाचन र जनमतकै भुवरीमा घुमिरह्यो आज पनि त्यहीँ घुमिरहेको छ । संबिधान सभाको दोस्रो निर्बाचन भयो  ।एक बर्षमा संबिधान दिन्छौँ भनेर सबैले आफ्नो घोषणापत्रमा भनेकै हुन् ।  प्रतक्ष निर्बाचन भएको डेढ महिना हुँदैगर्दा भर्खर भर्खर निर्बाचनको प्रकृया टुङ्गीन खोज्दैछ ।  अब फेरि संबिधान सभाको पैलो बैठक कसले बोलाउने भन्ने कुरामा बिबाद चुलिदै छ । बिवाद त्याहाँ पनि छ ।

 निर्बाचन अघिका पार्टी धमाधमा फुट्ने लक्षण देखाउदैछन्  । यौटा शत्ती संबिधानसभामा छैन । भएका बिच पनि कुरो मिल्ने छाँट देखिदैन । हुन त संख्यात्मक गणनामा बहुमत पु-याएर संबिधान त बन्ला तर बनेकै दिन सो जलाईए त्यसको अर्थ के , ? निर्बाचनमा खर्चीएको अर्बौ रूपैयाको जिम्मा यी राजनितीक पाटीले लीने कि नलिने ? लिनुपर्छ कि पर्दैन ।खेर गएको अमुल्य समय के तिनीहरू फिर्ता दिन सक्छन् ?

हामी नेपाली कति सोझा छौँ ।सपना बाँड्नेका पछी पछी दौडिन्छौँ । हामी सबै नेपालीलाई बौलाहा कुकुरले टोकेको छ  नत्र  हिजो कै पाटि हुन हिजो कै मान्छेहरू हुन् ती मान्छेको प्रवृति पनि त्यही हो  तै पनि हामी तिनीहरूकै आश गरिरहेका छौं । आँपको बोटमा सुन्तला फल्छ कि भनी आश गरि बसेका छौँ । राजनितीमा असंभब भन्ने हुँदैन भन्छन् सायद तेसैले पो हो कि त नेपालीहरू एकोहोरो आशा गरि बसेका ?आजको आँपको बोटमा भरे भोली सुन्तला फली पो हाल्छ की ? आशा गरिबसेका छौँ हामी । आशा गर्नु बाहेक बिकल्प नै के छ र हामीमा ?

यो त भो भोली होला कि भन्ने आशा ।
 तर अहिले ....?
  देख दुखिरहेछ । माटो दुखीरहेछ र
 दुखिरहेछ सीमानाका सीमास्तम्भहरू जुन हरेक रात गायब हुन्छन् रहस्यमय तरीकाबाट ।

COPYright: निरक्षर निरौला