यो बात बुझियो

केहि रहेनछ जीन्दगी, यो बात बुझियो ॥
आजै यौटा यस्तो रहश्य हठात बुझियो ॥

गाड़ीमा सर्ररर हुईकिने, महलमा बस्ऩेको
आखिर के नै रहेछ र औकात बुझियो ॥

मेरो मनको यौटा कौतुहल मेटिइयो- अब
कस्ता हुन्छ्न् चिसो सड़कका रात बुझियो ॥

ज्युँदा जन्ती मर्दा मलामी जान्छु भन्नेहरुमा
कसले समायो हात, कसले दियो लात बुझियो ॥

सर्बश्रेष्ठ बुद्धिजीवी मै हुँ भन मान्छे कै
यस्तो गरी सुक्दो रहेछ - आँत बुझियो ॥

दाजु भन्नुहुन्थ्यो-भाई अचम्मै छ दैवको खेला
कसरी ह-यो क्षण भरमै त्यत्रो जमात बुझियो ॥


                                         - शंकर निरौला 'निरक्षर'
                                                  फत्तेपुर, सप्तरी ।