'नसोध देशको हाल कस्तो छ '

(बिबिसी  नेपाली सेवामा प्रसारित) 

के भनुँ म तिमीलाई देशको हाल कस्तो छ ॥
देश हाँक्ने यी (ना)मर्दहरुको चाल कस्तो छ ॥

बिहानीले दिनको सङ्केत गर्छ भन्ने सुनेथेँ
 तिमी आफै जान  आउने साल कस्तो छ ॥

 ए, बिदेशीने मित्र यौटा आग्रह छ मेरो
नसोध भो हिजोआज नेपाल कस्तो छ ॥

खोक्रो पार्न तम्सेका छन् धमिराहरू यहाँ
भनी साध्य छैन यसको संजाल कस्तो छ ॥

धेरै जना थाकी सके सोध्दा सोध्दा मलाई
तिम्रो हाम्रो जीन्दगीको सवाल कस्तो छ ॥