रातलाई सोध्दै नसोध

के हो जिन्दगी रातलाई सोध्दै नसोध ॥
सुकिसकेको आँतलाई सोध्दै नसोध ॥

भेट्नेछौ अर्थ बिस्वासमा तिमीले
पापी त्यो घातलाई सोध्दै नसोध ॥

सोध बरू फुललाई फुल्नुको मजा के ?
ईर्श्या गर्ने पातलाई सोध्दै नसोध ॥

अचार अनि तरकारीलाई थाहा हुन्छ -स्वाद
बेस्वादिलो भातलाई सोध्दै नसोध ॥

के हो जिन्दगी रातलाई सोध्दै नसोध ॥
सुकिसकेको आँतलाई सोध्दै नसोध

                       गजल- ३२०
                  
देशलाई यस्तो गरि भड्खालोमा घचेटी रहेछन् ॥
आमा, यहाँ दाजुहरूले नै भाइलाई लखेटी रहेछन् ॥

नेता भन्नू अभिभावक हुन्, मैले यहि मात्रै बुझी रहे
तर आज थाहा भो-ति अभिभावक केटाकेटी रहेछन् ॥

अब के आधारमा दाबी गर्ने, बुद्ध नेपालकै हुन् भनी ?
जब नेपालीहरूले नै नेपालिहरूको घाँटी रेटी रहेछन् ॥

महाशयहरूले जाती, धर्म-सम्प्रदाय, वर्णलाई समेट्लान
तर मेरो प्रश्न छ- के यो देशको माटोलाई समेटी रहेछन् ॥

दोश ती आँखाको हुँदै होइन, तिम्रै हेराईको हुनुपर्छ
जसले झलमल्ल उज्यालोमा पनि अँध्यारो भेटीरहेछन् ॥

शकर निरौला 'निरक्षर '
फत्तेपुर, सप्तरी ।

                      

देशलाई यस्तो गरि भड्खालोमा घचेटि रहे छन् ॥
आमा, यहाँ दाजुहरुले नै भाइलाइ लखेटी रहेछन् ॥

नेता भन्नू अभिभावक हुन्, मैले यहि बुझी रहे
आज थाहा भो ति अभिभावक केटाकेटी रहेछन् ॥

ए गाइने दाइ, के अर्थ छ तिमिले सारङ्गी रेट्नुको ?
जब मान्छेहरुले नै मान्छेको घाँटी रेटि रहेछन् ॥

महाशयहरूले जातजाती धर्म सम्प्रदाय वर्णलाई समेटे
तर मेरो प्रश्न छ - के यो देशको माटोलाई समेटी रहेछन् ॥

शंकर निरौला 'निरक्षर '
फत्तेपुर, सप्तरी ।

गजल बाचन- पाऊ उत्तै छुटेछ ....

गजल बाचन-  पाऊ उत्तै छुटेछ ....

YouTube  मा हेर्नका लागि  यहाँ click गर्नुहोस्>>   https://www.youtube.com/watch?v=dLf2EaFHBd0

पाँच मिनेट मै ब्लग बनाउने तरिका सिक्नुहोस् । ब्लग अर्थात सित्तैको वेब साइट ।

पाँच मिनेट मै ब्लग बनाउने/ चलाऊने  तरिका सिक्नुहोस् । ब्लग अर्थात सित्तैको वेब साइट । 

YouTube मा हेर्नका लागि  यहाँ  click गर्नुहोस् >>  https://www.youtube.com/watch?v=v6AfBQdKXJ4&hd=1

A video by निरक्षर । 

के तपाईंको ब्लग छ् ?  मोबाइल बाट ब्लग कसरी चलाऊने ?आउनुस्  केबल दुई मिनेटमा सिक्नुहोस् ......

ब्लग अर्थात सित्तैको वेब- साइट  ।

गजल - पहिल्याउनै सकिएन बाटो जिन्दगीको ....

गजल - पहिल्याउनै सकिएन बाटो जिन्दगीको ....

गजल

भग्नावशेष जीन्दगीका भाग बोकेर ॥
औँसी रातमा हिँड्नु छ चिराग बोकेर ॥

अब त ईख लिएरै हिँडेको छु प्रिया
जस्तो हिड्छ गैँडाले खाग बोकेर ॥

तिमी हेर्दै मात्र जानु केकेसम्म गर्छु म
उही तिमीले थुकेको दिमाग बोकेर ॥

उसलाई दुख्दै दुख्दैन नियतिको प्रहारले
जो हिँडेको छ चोटहरूको दाग बोकेर ॥

जोगिनै पर्छ भमराबाट जो रस चुस्छन्
अनि भुर्र उडी जान्छन्  पराग बोकेर ॥

गजल

अब त यो जिन्दगी झुरजस्तो लाग्छ ॥
आफ्नै छाँया पनि दुरजस्तो लाग्छ ॥

तिमीसँगै हुँदा लाग्थ्यो जीबन सकिदैनँ
 तर आज किन क्षणभङ्गुरजस्तो लाग्छ ॥

स्वाद पटक्कै छैन अचेल यो आफ्नै जीब्रोमा 
 गुलिया सब चिज अमिलो अङ्गुरजस्तो लाग्छ ॥

म बद्लीएँ या बद्लीएको हो त्यो गाइने ?
सबै-सबै गीत उसका बेसुरजस्तो लाग्छ ॥

हिजोसम्मको आफ्नै लाग्ने यो सुकेधारा
नचिनेको नजानेको भत्तपुर जस्तो लाग्छ ॥

- शंकर निरौला 'निरक्षर' 

पुस्तकालयको महिमा- कबिता

            पुस्तकालयको महिमा 

मान्छेले पैला पुस्तक रच्यो अमृत खन्यायो 

तै बेलादेखी मान्छेलाई मान्छे पुस्तकले बनायो । 

होइन खोला नदी र ताल यो त हो सागर 

बिज्ञान कला साहित्य सारा यसमै छ् संसार ॥१॥

हजारौँ पुस्तक जोडीइ बन्छ पुस्तक-आलय 

जिबन अमृत ज्ञानको हो यो सङ्ग्रह-आलय । 

पाठक लेखक सम्बाद हुने शितल चौतारी 

ज्ञानका भोका प्यासिहरुले भेट्छन् दौंतरी ॥२॥

पुस्तक- घरमा जिबनको गुह्य रहश्य खुल्दछ 

यसैका उपज यो ब्रम्हाण्डमा सिर्जना फुल्दछ ॥३॥

-शंकर निरौला 'निरक्षर' 

गजल

 यो देश सखाप पार्लान् गद्दारहरुले ॥

जस्तो सिध्याउँछ बाली झारहरुले ॥

ठुलो-सानो, अग्लो-होचो भन्दै नहिँड 

मुलुक बन्दछ केबल बिचारहरुले ॥ 

अरु सबै भेडा हुन्, पछिपछी हिँड्ने 

बाटो खनी-दिन्छन्  दुई-चारहरुले ॥

मलाई हरेक दिन ऊर्जा दिइरहन्छन् 

गणेशमान,बिपी र भण्डारीका मुहारहरुले ॥

सिङगै युग ठड्याइदिने ताकत छ हाम्रो 

केही हुन्न यस्ता जाबो दरारहरुले ॥

हिजो राती सपनीमा बुद्ध भन्दै थिए-

बाबु, अब थाल्नु काम मेरै औजारहरुले ॥

                                  -शंकर निरौला 'निरक्षर' 

                                      फत्तेपुर, सप्तरी । 

 

                                         niraulanirakshar@gmail.com

गजल

                    गजल

सोच्दै छु म कस्तो होला यार बीनाको जिन्दगी ॥

साथी-सङ्गी, मित्रहरुको प्यार बीनाको जिन्दगी ॥

हजुर नहुँदा यो जिन्दगी ठ्याक्कै त्यस्तो हुनेछ -

जस्तो हुन्छ मौरिलाई घार बीनाको जिन्दगी ॥

बिर्सेंर पनि तिमीले कहिल्यै नसोध्नु मलाई -

कस्तो हुन्छ यात्रा ? दिलदार बीनाको जिन्दगी ॥

ए मित्र, तिम्रो अभाव- मलाई यस्तो गरी लाग्छ - 

जस्तो लाग्छ खुकुरीलाई धार बीनाको जिन्दगी ।।

                                     - शंकर निरौला 'निरक्षर' 

मुक्तक -८

1.  

यती बिघ्न सौन्दर्यको खानि देखेर 

सदा दीरहने तिम्रो आनी-बानी देखेर 

ए प्रक्रिती,  के तिमीले चै बुढो हुनु पर्दैन ?

छक्क पर्छु म त,  तिम्रो जवानी देखेर ।।

 

2 . 

रित  हेर  समाजको मान्छे यहाँ हेपिएछ 

पर्खाल बीच विभेदका कठै ! बरा चेपिएछ 

हामी जस्तै बोल्छ, खान्छ- हिँड्छ उसै गरी  

मान्छेकै छ संरचना कहाँ फरक देखिएछ ।।  

3.

खै के गर्यौ तिमीले जाबो सुन जोडेर 

नसा -नसामा लालचको खुन जोडेर

इस्वर पनि मात खादो हो, तिमीलाई देखी-

सन्तुस्ट हुन्छौ  आखिर कुन- कुन जोडेर ।।  

4.

फुल भन्थे माया सबै, हाम्रै किन काँडा भयो 

दुरी छैन तर पनि मन किन टाढा भयो 

साथ छैन एक अर्काको विश्वास कतै हराएछ 

हामी बीच आशंकाको दाग धेरै गाडा भयो ।। 

5.

 अझै पनि तिम्लाई सम्झी रुन खोज्छ मन 

सम्झी सम्झी तिम्रै तस्बिर छुन खोज्छ मन 

अँह... सम्झाउन सक्दिन म, थाकी सके अब 

लाखौ ताराहरू माझ उही जुन खोज्छ मन ।। 

7.

सदासदा मुस्कुराउने शिखर सगरमाथा छ यहाँ 

गोर्खाली मेरा पीता पुर्खाको बीर-गाथा छ यहाँ 

जिन्दगी र श्वासको जस्तो हुन्छ नि मित्रता ?

यो माटो सँगको मेरो त्यस्तो नाता छ यहाँ ।। 

 

8. 

कती सहनु जनताले चोट धेरै भो 

देश हाक्ने मर्दहरूमा खोट धेरै भो 

काँटछाँट गर्नु पर्छ एकएक गर्दै अब 

राजनीतिको फुलबारीमा बोट धेरै भो ।।