गजल- ३२०
                  
देशलाई यस्तो गरि भड्खालोमा घचेटी रहेछन् ॥
आमा, यहाँ दाजुहरूले नै भाइलाई लखेटी रहेछन् ॥

नेता भन्नू अभिभावक हुन्, मैले यहि मात्रै बुझी रहे
तर आज थाहा भो-ति अभिभावक केटाकेटी रहेछन् ॥

अब के आधारमा दाबी गर्ने, बुद्ध नेपालकै हुन् भनी ?
जब नेपालीहरूले नै नेपालिहरूको घाँटी रेटी रहेछन् ॥

महाशयहरूले जाती, धर्म-सम्प्रदाय, वर्णलाई समेट्लान
तर मेरो प्रश्न छ- के यो देशको माटोलाई समेटी रहेछन् ॥

दोश ती आँखाको हुँदै होइन, तिम्रै हेराईको हुनुपर्छ
जसले झलमल्ल उज्यालोमा पनि अँध्यारो भेटीरहेछन् ॥

शकर निरौला 'निरक्षर '
फत्तेपुर, सप्तरी ।