अन्तरराष्ट्रिय स्तरको शुभकामना

अन्तरराष्ट्रिय स्तरको  शुभकामना

मेरा इस्टमित्र, आफन्तजन तथा दुश्मनहरुलाई समेत: ISO 9001:2015 सर्टिफिकेट प्राप्त अन्तरराष्ट्रिय स्तरको आशिर्बाद र शुभकामना दिन चाहेँ- अमेरिका जस्तै शक्तिशाली हुनु तर ऊ जस्तो घमण्डी कहिल्यै नहुनु । जिन्दगीमा कुनै कुराको निर्णय लिँदा बेलायत जस्तै स्वत्रन्त्र भएर लिनु । चिनको जस्तो कुशल रणनिती/कुटनिती अङ्गाल्दै जिन्दगीमा अघी बढ्यौ भने धेरै माथि पुग्छौ । भारत जस्तो दोहोरो चरित्र कहिल्यै नदेखाउनु । तिमी/ तपाईं आफु आफु सही छु भन्ने लाग्छ भने उत्तर कोरिया जस्तो हठी भएर लाग्नु । जिन्दगीमा नेपाल जस्तो निरिह चै कहिल्यै नहुनु। जस्तो सुकै कठिन परिस्थिती आए पनि हिम्मत नहार्नु। जापान (हिरोसिमा र नागासाकी) जस्तै फेरी आफ्नै बलबुतामा खडा हुन्छु भन्ने आँट गर्नु । ग्रीस जस्तो "भित्र खोक्रो बाहिर बोक्रो" भएर पनि काम छैन, जरै देखी मजबुत हुनु। रुसको भुभाग जस्तो छाती चौडा पार्नु, भ्याटिकन सिटीको क्षेत्रफल जस्तो सानो सोच लिएर नहिंड्नु । तिमीले संयुक्त राष्ट्र संघ जस्तो दादागिरी देखाउन थाल्यौ भने IS जस्ता ब्यहोरा भएका छिमेकीहरु जन्मिन धेर समय लाग्दैन ।