गजल

                       गजल

जिन्दगी.. जिन्दगी.. जिन्दगी... यो बगर हो ।।
काँडैकाँडाको बाटो.. खाली खुट्टा सफर हो ।।

हुदैनन् कोहि आफ्ना, त्यो गाउँ जस्तो यहाँ
मान्छेले मान्छेलाई सिङ्गै निल्ने शहर हो ।।

तिम्रा लागि नै होला, यमुना गङ्गा सागर
मेरो लागि त प्रिय, साघुरो यो नहर हो ।।

सुनाऊँ तिम्लाई के के ? छ कस्तो हालचाल
यहि हो चिठ्ठि मेरो , यहि नै खबर हो ।।

सगरमा पुग्छु भन्थेँ- भुइमै छु म आज
न चाहना हो मेरो,  न मेरो यो रहर हो ।।

भन्नेहरुले भन्छन् - पिरतीलाई अमृत
मेरो लागि त प्रिय, पिरती नै जहर हो ।।