गजल  

 यो जीन्दगी भिर भएको छ, पहरा भएको छ ॥
 म निरक्षरलाई 'एबीसिडी' र कखरा भएको छ ॥

 मेरा ती सारा दुश्मनहरुलाई, मात खुवाउने गरी
 मलाई आफ्नै आफन्तहरुबाट खतरा भएको छ ॥

 बलेसीमा उम्रिएको एउटा जौंले यसरी रिस पोख्यो-
 मैजस्तो हो तर घरभित्र उम्रिँदा ऊ जमरा भएको छ ॥

 यहाँ चरालाई उड्न सिकाइँदै छ, पखेटा काटिदिएर
 हो, मेरो अवस्था ठ्याक्कै त्यही चरा भएको छ ॥

 मुर्खहरु सम्मानित हुँदै छन्, सभा र गोष्ठिहरुमा
 तर विद्वान जो छ ऊ चैं बलिको बकरा भएको छ ॥

                                   
                                         - निरक्षर निरौला