गजल

टुङ्गिएको छैन अझै खोज जिन्दगिको ॥

कहिले पो सकिन्छ यो सोध जिन्दगीको ॥

कहाँ -कहाँ पुग्नु थियो, बाटोमै अल्झिएँ

जसोतसो पन्छाउँदै छु अवरोध जिन्दगीको ॥

यस्सै ख्याल ठट्टामै बित्यो आधा उमेर मेरो 

आखिर किन भएन मलाई बोध जिन्दगिको ॥

लुट्नेहरू यहीँ लुटिरहेछन् जिन्दगीको मजा 

मेरै थाप्लो माथि किन बोझ जिन्दगिको ॥

यता छोप्दा उता उदाङ्गो, उता छोप्दा यता 

मिलाउनै जानिनँ मैले पोज जिन्दगीको ॥

- शंकर निरौला 'निरक्षर'

          काठमाडौं ।

- niraulanirakshar@gmail.com