अंगीकृत वालाहरु नै सच्चा देशभक्त हुन्
माओबादी-काङ्ग्रेस गठबन्धनको वर्तमान सरकार प्रमुख प्रधानमन्त्री पुष्प कमल दाहालको बिशेश पहलमा संविधान संशोधन प्रस्ताव दर्ता गर्न खोजिइदैछ । जुन प्रस्तावको एक बुदामा- "अङ्गिकृत नागरिकले देशको राष्ट्रपति, प्रधानमन्त्री, प्रधानन्यायाधीश र सुरक्षा निकायका प्रमुख पदमा चुनिन नपाए पनि प्रतिनिधि सभाका सभामुख, राष्ट्रिय सभाका अध्यक्ष, प्रदेश प्रमुख, मुख्यमन्त्री र प्रदेश सभाको सभामुखमा भने चुनिन सक्ने" ब्यबस्था गर्न लागिदै छ।
एमाले काङ्ग्रेस र माओबादी यी तिनै दल एकै ड्याङका मुला भएको हामीले देखी/भोगी आएकै हौं। तसर्थ अहिले आनाकानी गरेपनी ढिलो चाडो एमालेले पनि उक्त प्रस्तामा सहमति नजनाई धरै छैन।
यसै सन्दर्भमा सरकार सङ्ग मेरो अनुरोध छ,
सरकार........!
माथी उल्लेखित पाँच पदमा मात्रै किन ? यो देशका प्रमुख ती नौ ओटै पदमा अंङ्गिकृत नागरिकता धारीहरुले बस्न पाउनुपर्छ। अझ मेरो त विशेष माग यो छ कि ती नौ पदमा बस्न "अंङ्गिकृतवालाहरुले मात्रै" पाउनु पर्छ।
वास्तवमा गहिरिएर सोच्दा अंगीकृतवालाहरु बंशजवालाहरु भन्दा ज्यादा इमान्दार बफादार देखिन्छन् /हुन्छन्। यदि त्यसो नहुँदो हो त आफ्नो मुलुक छोडी ती अंगीकृतवालाहरु यहाँ किन आइरहन्थे ? उतै बसि हाल्थे नि ! यो देशका बंशजवालाहरु धमाधम युरोप अमेरिकातिर गैरहेका बेला त्यसको ठिक उल्टो अंगीकृतवालाहरु चै उनिहरुको आफ्नो मुलुक छोडि यहाँ आइरहेका छन्। आखिर किन ? उत्तर स्पष्ट छ- किनकि अंगीकृतवाकाहरुलाई यो देशको माया छ/हुन्छ। कमसेकम बंशजवालाहरुभन्दा ज्यादा।
तसर्थ सरकार ! अंगीकृत वालाहरुले कुनै पनि रोकटोक बिनै यो देशका ती नौ ओटै प्रमुख पदमा रहन/बस्न/मोज गर्न पाउने गरि चाडोभन्दा चाडो यो संविधान संशोधन गरियोस्।
No comments:
Post a Comment