गजल
यसरी निराहार व्रत बस्न, कसले सिकायो ॥
यस्ता-यस्ता झमेलामा फस्न, कसले सिकायो ॥
तिमी त सोह्र शृङ्गार बिनै यस्ती राम्री देखिन्छ्यौ
ब्यर्थै यी लाली पाउडर घस्न, कसले सिकायो ॥
अप्सरा नै हुनुपर्छ- तिमी, उ... त्यो माथि स्वर्गको
प्रिया, तिमिलाई धरतिमा खस्न, कसले सिकायो ॥
न झ्याल चाहिने न ढोका, यो कस्तो कला हो तिम्रो ?
लौ भन यसरी दिलभित्र पस्न, कसले सिकायो ॥
तिमीलाई सोध्दा-सोध्दै, आफैलाई यसरी सोध्न पुगेछु-
मलाई चैँ प्रश्नै प्रश्नले अरुलाई डस्न, कसले सिकायो ॥
- शंकर निरौला 'निरक्षर'
No comments:
Post a Comment