गजल

न पृथक भएका छन्, न खास भएका छन् ॥
यहाँ सबै मान्छेहरू एकनास भएका छन् ॥

अस्तित्व खोजिरहेछन,बरू मसानहरू घाटमा
तर मान्छे ? ...मान्छे नभएर लास भएका छन् ॥

जिबजन्तु किरा फट्याङ्ग्रालाई नियालेर त हेर
बाँच्नका निम्ति कतिसम्म प्रयास भएका छन् ॥

डार्विनले उहिल्यै भने- अल्छे जुनजुन प्राणी छ
ती सबै लोप भएका छन्, ह्रास भएका छन् ॥

भन के चै हुँदैन र पूरा, ईख लिएपछि मान्छेले ?
कस्ताकस्ता मूर्ख पनि कालिदास भएका छन् ॥

-निरक्षर