गजल

   यो सरकार यसरी मस्तसँग घुरिरहेछ ॥
   लाग्छ अझै उ: मीठो सपना कुरिरहेछ ॥

   केही लछारपाटो लागेन, यहाँबाट पनि 
   अरुजस्तै यहाँको फगत चुरिफुरी रहेछ ॥

   ढुङ्गो बरू पग्लिन्छ, जनताको दु:ख देख्दा
   तर महाशयको मन कस्तो निष्ठुरी रहेछ ॥

   भन म कसरी चुप बिसिरहुँ, यी सारा देखेर ?
   कोही भोकभोकै मर्छ कोही भने हसुरिरहेछ ॥

   वायु भएर स्थिर, किन रहन सक्दैन कहिल्यै ?
   थाहा भो राष्ट्रवाद भन्ने कुरो अाँधिहुरी रहेछ ॥

   कसैकसैलाई यो ब्रह्मज्ञान भयो होला अब 
   उखान- टुक्का र यथार्थमा ठूलो दुरी रहेछ ॥

                                  - शंकर निराैला 'निरक्षर'
                                               फत्तेपुर, सप्तरी ।