गजल
यसरी हाँसी-हाँसी जस्तोसुकै अभाव झेलिन्छ ॥
अन्तिम चोटि स्वाभिमानको टकराव झेलिन्छ ॥
बरू भोकभोकै मर्न तैयार, तर शिर उठाएरै मर्ने हो
परिस्थिती अहिले भन्दा झन् झन् खराब झेलिन्छ ॥
कस्ता-कस्तालाई थाङ्नामा सुताएको इतिहास छ
यी मित्र भनाउँदा हाम्रै शत्रुहरूको दबाब झेलिन्छ ॥
आफ्नै लगाैँटी फुस्क्याएर अरूलाई 'कुरिकुरी' भन्ने
ठ्याक्कै केटाकेटी झैँ तिम्रो यस्तो स्वभाव झेलिन्छ ॥
औंला दिँदा डँढेल्नाे निल्ने, यो कस्तो नीति हो तिम्रो ?
के सोच्यौ- सधैंसधैं तिम्रै हुकुमी सुझाब झेलिन्छ ॥
- शंकर निरौला 'निरक्षर'
No comments:
Post a Comment