गजल
अब त गाउँघरमा, आफ्नै आँगनीमा सरकार छ ॥
हो हजुर हो, 'सिंहदरबार' हैन, 'सिङ्गो दरबार' छ ॥
मोनो रेल र मेट्रो रेलमा चड्न पाइन्थ्यो सररर....
उत्तरले बनाइदिने कि दक्षिणले, यसैमा दोधार छ ॥
बाख्रापाठा गाईभैँसी, हुँदैहुँदै साइकलमा समेत
गरिबको ढाडै भाँच्ने 'कर' अनेक प्रकार छ ॥
आम्दानी अठन्नी मात्रै छ जसको, खर्च गर्छ रुपैयाँ
केकसरी चलाउछौ प्रभु, न उद्योग छ न व्यापार छ ॥
स्विजरल्यान्ड बनाउछु भन्थे, 'सोत्तर-ल्यान्ड' बनाए
ए नेता ज्यु !! अब आगे के-के बनाउने बिचार छ ॥
भिखारीले भिख मागे हजार रुपैयाँ जरिवाना !!
आहा ! हेर्नुस् महोदय, मेरो सरकार कति उदार छ ॥
- निरक्षर निरौला
- निरक्षर निरौला
No comments:
Post a Comment