गजल
जोजो नजिक-नजिक थिए, ती सबै दुर भएका छन् ॥
के भनौं..सम्बन्धहरू यसरी चकनाचुर भएका छन् ॥
आफू पत्थर भएर पनि, यस कारणले खुसी छु -
मेरा सबै 'आफन्तहरू' कोहिनुर भएका छन् ॥
यहाँ चोटहरू सहेरै पनि मैले बाँचिरहनु छ तर
मेरा सपनाहरू आत्महत्या गर्न आतुर भएका छन् ॥
यो दिल तोडेर जाने उनिसँग, यत्ति मात्रै गुनासो छ
आखिर किन भनीनाैँ- मबाट केके कसुर भएका छन् ॥
बा! तिम्ले सिकाएका जिबनका, जेजती आदर्श थिए
मैले अँगाल्दै जाँदा ती कामै नलाग्ने झुर भएका छन् ॥
- शंकर निरौला 'निरक्षर'
